گِفٹ یونیورسٹی میں یومِ اقبال کی پُروقار تقریب

مرکز برائے طلبہ سوسائٹیز کے زیرِ اہتمام گِفٹ یونیورسٹی میں ایک پُروقار تقریب منعقد کی گئی جس میں علامہ اقبال کی شخصیت اور پیغام کو خراجِ عقیدت پیش کیا گیا۔ یہ تقریب نوجوانوں میں فکرِ اقبال، خودی، اور عمل کے پیغام کو اجاگر کرنے کے لیے ترتیب دی گئی تھی۔ اس موقع پر مہمانِ خصوصی جناب ذوالفقار احمد چیمہ ( سابق انسپکٹر جنرل پولیس اور چیئرمین ادارہ اقبال، اسلام آباد ) نے علامہ اقبال کی تعلیمات، اُن کے فلسفۂ خودی، اور نوجوانوں کے کردار پر نہایت مؤثر انداز میں اظہارِ خیال کیا۔ تقریب میں بانی و چیئرمین گِفٹ یونیورسٹی، محمد انور ڈار نے بھی اپنی موجودگی سے تقریب کو رونق بخشی اور طلبہ کو اقبال کے نظریات کو اپنی عملی زندگی میں اپنانے کی ترغیب دی۔ اس کے ساتھ ساتھ متعدد دیگر ممتاز شخصیات نے بھی بطورِ مہمانِ خصوصی شرکت کی اور فکرِ اقبال کی اہمیت پر اپنے خیالات کا اظہار کیا۔ یہ پروگرام گِفٹ یونیورسٹی کے وژن " تعلیم سے کاروبار تک " کا عملی مظہر تھا، جس نے فکری قیادت، قومی شعور، اور نوجوانوں کی تربیت کے حوالے سے ادارے کے عزم کو ایک نئی جہت بخشی